1 Aprel 2015-ci il tarixində ölkədə depozitlər üzrə orta faiz dərəcəsi manatla 8,95%, xarici valyuta ilə 8,73% təşkil edib.
Banker.az Mərkəzi Banka istinadən xəbər verir ki, əvvəlki ayla müqayisədə depozitlər üzrə orta manatla faiz dərəcəsi yüksəlsə də , xarici valyuta üzrə depozit faizləri aşağı düşüb.
Bununla yanaşı hüquqi şəxslər üzrə depozitlər orta faiz dərəcəsi manatla 5,78%, xarici valyuta ilə 4,34%, fiziki şəxslər üzrə isə manatla 9,64%, xarici valyuta ilə isə 9,57% təşkil edib.
O cümlədən 1 aya qədər verilən depozitlər manatla 7,65%, xarici valyuta ilə 6,51% -ə qədər enib.
