435 milyon dollar həcmində cekpotu olan uduşlu lotereya bileti ABŞ-ın İndiana ştatının əyalətlərindən birində satılıb. Banker.az The Washington Post nəşrinə istinadən xəbər verir ki, bu haqda məlumatı Powerball müsabiqəsinin nümayəndəsi Dennis Rouzbro yayıb.
Bilet İndianapolis ştatının paytaxtından 60 kilometr məsafədə yerləşən Lafeyett şəhərində əldə edilib. Bilet sahibinin pulları əldə etmək üçün 180 günü var.
Lotereya nümayəndəsinin bildirdiyinə görə, uduşlu biletin sahibi qazandığı məbləği heç kəs ilə paylaşmalı olamayacaq, çünki yalnız bir bilet uduşlu olub.
Powerball — ABŞ-ın 44 ştatında biletləri satılan lotereyadır. Biletin qiyməti isə bir neçə dollardır.
