4 C
Baku
Friday, March 29, 2024

ABA: Bütün bankların fəaliyyətlərini davam etdirməsinin tərəfdarıyıq

“Bizim üçün ən arzuolunan hal hər hansı bir bankın kapital çatışmazlığı üzərindən bağlanmasını istəməməyimizdir”.

Bunu Azərbaycan Banklar Assosiasiyasının (ABA) prezidenti Zakir Nuriyev deyib.

Onun sözlərinə görə, ABA bütün bankların fəaliyyətlərini davam etdirməsinin tərəfdarıdır: “Biz bazarın daha da inkişaf etdirilməsini istəyirik. İstənilən bağlanan bank çoxlu sayda işçinin iş yerini itirməsi, xeyli müştərinin xidmətlərdən məhrum olması deməkdir. Bu gün bazarın ehtiyacıdır ki, biz kifayət qədər sağlam banklar vasitəsi ilə bazarda fəaliyyətə davam edək. Bankların sağlamlaşdırılması birmənalı olaraq tələbdir. Bunun üçün müxtəlif yollar – birləşmələr, kapital artımı, öz fəaliyyətlərini gücləndirmək üçün dəstəklərin olması və sair tədbirlər var”.

Banklarda likvid vəsaitə dair

Zakir Nuriyev bildirib ki, hazırda Azərbaycan banklarında 5,2 mlrd. manat həcmində nağd vəsait, eləcə də qiymətli kağızlar bazarına yatırılmış 1 mlrd. manata yaxın vəsait var.

“Son nəticədə bank sektorunda 6 mlrd. manatdan artıq likvid vəsait var”, – deyə Z.Nuriyev qeyd edib.

MənbəAPA
Son xəbərlər
Digər xəbərlər