Bank sisteminin ikinci halqası kimi ilk növbədə kommersiya yaxud kredit bankları çıxış edir. Bunlar arasında da grossbankları, əyalət kommersiya banklarını, xarici bankların şöbələrini və özəl bank evlərini qeyd etmək olar.
Almaniyanın bank sistemində aparıcı rol böyük banklara – Alman, Drezden və Kommersiya bankına məxsusdur. Hər bir böyük bank maliyyə-sənaye qrupuna rəhbərlik edir. “Böyük üçlüyə” daxil olanlar sırasında ölkənin maliyyə-sənaye qrupuna rəhbərlik edən Alman bankı əsas hesab olunur. Hazırda onun tərkibinə iqtisadiyyatın əsas sektorları hesab olunan elektrotexnika, elektronika, nüvə, dağ-mədən və metallurgiya sənayesi, ağır maşınqayırma sənayesi və s. daxildir.
Drezdenbankın qrupuna Berlin ticarət və sənaye bankı, Münih Banking House Royshelya və C °, Hmaburqda Almaniya-Cənubi Amerika Bankı və həmçinin bir sıra ipoteka bankları daxildir.
Kommersiya bank qrupu baxmayaraq ki, “böyük üçlük”dən iqtisadi gücünə görə geri qalır, lakin İQ-Farben, Qaniel, Verxan, Tissen, AEG və başqaları ilə sıx əlaqələrə sahibdir. Qrupun təməlini ailə şirkəti olan Qoldşmitdt, Gerling sığorta qrupu, “Karştadt AQ” və “Kaufxof AQ” mağazalar şəbəkələri təşkil edir.
“Böyük üçlük” ümumilikdə kapital bazarına güclü təsir göstərir və faktiki olaraq birjaya sahiblik edir. Grossbankların iqisadiyyata təsirlərinin artması onların sənaye və dövlət konsernləri ilə daha da birləşməsi yolu ilə baş verir.
Ümumilikdə Almaniyanın kommersiya və yaxud kredit bankları üçün onların fəaliyyətinin universallığının intensivləşdirilməsi xarakterikdir. Bu o deməkdir ki, onlar ipoteka kreditlərindən başqa fəaliyyətin bütün sahələri ilə məşğul olurlar. ABŞ-da məsələn, kommersiya banklarının korporativ kağızlarla bu cür əməliyyatların aparılması qadağandır. Burada bununla xüsusi kredit təşkilatları – investisiya bankları məşğul olur.
