Banker.az saytı xəbər verir ki, Amazon şirkəti 27 aprel tarixində rüblük yeni nəticələrini elan etdi. Şirkətin mənfəəti investorların gözlədiyindən 400 milyon dollar daha artıq olaraq 35,7 milyard dollar təşkil edib. Bu keçən ilin göstəricilərindən 23% daha çoxdur.
Bazar da öz növbəsində bu göstəricilərə müsbət reaksiya verib. Belə ki, Amazon şirkətinin səhmlərinin dəyəri 5% artıb. Bununla birlikdə şirkət rəhbəri və yaradıcısı Jeff Bezosun da sərvəti artıb.
Bloomberg agentliyinin məlumatlarına əsasən, Bezosun sərvəti ilk dəfə olaraq 80 milyard dolları üstələyib. Bezos bu sərvətin əsas hissəsini son 5 ildə əldə edib. Agentlik qeyd edir ki, 2012-ci ildə Bloomberg Billionaires Index indeksi yaradıldıqdan bu günə qədər Amazon rəhbəri 65,2 milyard dollar varlanıb. Bütün bu müsbət artım fonunda Bezosun dünyanın ən varlı şəxsi olmaq şansları günü-gündən artır.
