Avropada birja ticarəti zamanı qazın qiyməti 1 min kubmetr üçün 400 dolları ötüb. Londonun ICE birjasının məlumatlarına görə, bu, 27 dekabr 2023-cü ildən bəri ilk dəfə baş verib. Günün əvvəlindən ümumi qiymət artımı təxminən 4% təşkil edir.
Hollandiyanın TTF qovşağında iyun fyuçerslərinin qiyməti 1 min kubmetr üçün təxminən 401 dollara qalxıb.
May ayında Aİ-nin elektrik enerjisi istehsalında külək enerjisinin payı cəmi 14% təşkil edir ki, bu da 2023-cü ilin sentyabrından bəri ən aşağı göstəricidir. Bundan əlavə, Norveçdə qaz obyektlərində aparılan təmir işləri olub ki, bu da qazın qiymətinə əlavə təzyiq göstərir.
Həmçinin İran prezidenti İbrahim Rəisinin ölüm xəbərindən sonra Avropada qazın qiyməti tədricən artmağa başlayıb.
