12 C
Baku
Friday, March 29, 2024

Azərbaycan Banklar Assosiasiyasının nəzdində ekpsert qrupu yaradılır

Azərbaycan Banklar Assosiasiyasının (ABA) nəzdində Xəzinədarlıq və Fondların İdarə Olunması adlı Ekspert Qrupunun yaradılması planlaşdırılır.  Bu barədə Banker.az-a ABA-dan məlumat daxil olub.

Bu Ekspert Qrupunun yaradılmasının başlıca səbəbi son zamanlar bankların valyuta əməliyyatları, qiymətli kağızlar, törəmə əməliyyatlar, likvidliyin idarə olunması, valyuta mövqeyi, valyuta, faiz və likvidlik risklərinin idarə olunması, aktiv və passivlərin idarə olunması, aktivlərin transfer qiymətləndirilməsi və s. kimi istiqamətlərdə aktiv müzakirələrin, daxili proseslərin və əməliyyatların artdığını, eləcə də əlaqədar normativ qaydalar və prosedurlarda dəyişikliklərin baş verməsidir.

Qeyd edək ki, son zamanlarda bankların bu istiqamətdə aktiv əməliyyatları artıb və eləcədə banklara aid normativ və prosedurlarda bu mövzularda dəyişikliklər baş verir. Qrupda bankın xəzinədarlıq rəhbərləri və kuratorları bir araya toplaşacaq.

Aktiv və passivlərin idarə olunması, valyuta əməliyyatları, qiymətli kağızlar, kapital və pul bazarları, törəmə əməliyyatlar, fondların idarə olunması, likvidliyin idarə olunması, valyuta mövqeyinin idarə olunması, valyuta, faiz və likvidlik risklərinin idarə olunması, aktivlərin transfer qiymətləndirilməsi və digər məsələlər “Xəzinədarlıq və Fondların İdarə Olunması üzə ekspert qrupu”nun əsas müzakirə mövzuları kimi müəyyənləşdirilib.

Hazırda Azərbaycan Banklar Assosiasiyasının (ABA) nəzdində aşağıdakı 9 Ekspert Qrupu fəaliyyət göstərir:

  • Hüquqi məsələlər üzrə;
  • İT və İT təhlükəsizlik üzrə;
  • Ödəniş sistemləri və alternativ xidmət kanalları üzrə;
  • Kredit işi və risk üzrə;
  • Tədris strategiyaları və İR üzrə;
  • ÇPY qarşı mübarizə və komplayns üzrə;
  • Daxili audit, mühasibat uçotu, vergi və hesabatlılıq üzrə;
  • İpoteka krediti proqramının inkişafı üzrə;
  • Marketinq və PR üzrə.

 

 

Son xəbərlər
Digər xəbərlər