24 C
Baku
Friday, April 26, 2024

Azərbaycan sərmayələri hesabına Qazaxıstanda transformator zavodu tikilir

2018-ci ildə Azərbaycan sərmayəçiləri Aktauda yeni transformator zavodunu istifadəyə verməyi planlaşdırırlar. Bunu Azərbaycanın Aktau şəhərindəkibaş konsulluğunun rəhbəri Elxan Zeynalov deyib.

“Gələn il biz burada böyük transformator zavodu açmaq niyyətindəyik. Bu, $50 mln. dəyərində təmiz Azərbaycan sərmayəsidir. Zavod böyükdür, burada minlərlə iş yeri açılacaq”, – diplomat Aktauda Qazaxıstan və Azərbaycan arasında diplomatik münasibətlərin qurulmasının 25 illiyi və Azərbaycanın Aktau şəhərindəkibaş konsulluğununaçılmasının 10 illiyi münasibətilə tədbirdə çıxışı zamanı bildirib.

Qazaxıstan mətbuatının məlumatına əsasən, E.Zeynalov əlavə edib ki, Azərbaycan sərmayəçilərinin son illər ərzində Qazaxıstanın qərb vilayətlərində iqtisadiyyatın qeyri-xammal sahələrinə ümumi investisiyaları $300 mln. təşkil edib.

Onun sözlərinə görə, hazırda Qazaxıstanda Azərbaycan kapitalı ilə 800-dən artıq şirkət və Azərbaycanda 70-dən artıq Qazaxıstan şirkəti fəaliyyət göstərir.

Manqistaus vilayətinin rəhbəri Yeralı Tuqjanov öz növbəsində qeyd edib ki, hazırda burada iqtisadiyyatın müxtəlif sahələrində Azərbaycanla birgə fəaliyyət göstərən 52 müəssisə qeydiyyata alınıb.

“2017-ci ilin yanvar-oktyabr ayları ərzində Manqistaus vilayətinin Azərbaycanla xarici ticarət dövriyyəsi $41,2 mln., həmçinin ixracın həcmi $26,1 mln., idxal – $15,1 mln. təşkil edib. Ümumilikdə, iki ölkə arasında ticarət dövriyyəsi $140 mln.-a yaxın təşkil edir”, – Y.Tuqjanov məlumat verib.

Son xəbərlər
Html code here! Replace this with any non empty raw html code and that's it.
Digər xəbərlər