Asiya İnkişaf Bankı 2014-2018-cü illərdə Azərbaycanla tərəfdaşlıq strategiyasını təsdiq edib.
Bankın Direktorlar Şurasının məlumatında deyilir ki, 4 ildə Azərbaycana $752 mln vəsait ayrılacaq. Sənəd Azərbaycan iqtisadiyyatının şaxələndirməyə, yeni bazarlara çıxışı genişləndirməyə, o cümlədən rayon mərkəzlərində və kənd yerlərində məhsuldarlıq göstəricilərini artırmağa imkan verir, deyə məlumatda bildirilir.
Yeni strategiya dövlətin prioritetlərinə uyğundur.
Azərbaycan 1999-cu ildən AİB-in üzvüdür. Bu dövrdə 20 layihəyə $1 mlrd 637,4 mln kredit ayrılıb. Bunun $697,5 mln-u istifadə edilib. Kreditlərin 46,26%-i nəqliyyat və İKT, 33,9%-i su, bələdiyyə və xidmətə, 11,42%-i energetikaya, 7,08%-i maliyyə sektoruna ayrılıb.
Qafqazinfo
