Rusiyada martın son həftəsi fiziki şəxslərin bankrot elan edilməsi üzrə birinci məhkəmənin qəbul etdiyi qərar qüvvəyə minib.
Banker.az AzVisiona istinadən bildirir ki, fiziki şəxslər arasında ilk bankrot olan şəxs azərbaycanlı biznesmen Telman İsmayılov olub.
Qeyd edək ki, Moskva vilayətinin Arbitraj Məhkəməsi multimilyoner və “Çerkizovsk” bazarının sabiq rəhbərinin bankrot elan edilməsi barədə qərar qəbul edib.
2015-ci ildə “Forbes” jurnalı Telman İsmayılovun sərvətinin təxminən 600 milyon dollar olduğunu bildirirdi. 2015-ci ilin 21 dekabrında verilən məhkəmə qərarına əsasən isə Telman İsmayılovun təxminən 14 milyon rubl dəyərində olan torpaq sahəsi, 25 min nağd pul və bank hesablarında isə 100 rubl və 30 dolları var.
