Bakı Fond Birjasının Kapital bazarından maliyyələşməni təşviq edən məlumat və məsləhət xidmətləri proqramı – “Listinq Məsləhət Proqramı” (LMP) üzrə əməkdaşlıq haqqında Kollektiv Sazişə yeni tərəfdaş olaraq Azərbaycan Milli Elmlər Akademiyasının (AMEA) “Yüksək Texnologiyalar Parkı” qoşulmuşdur.
Bununla əlaqədar olaraq, 23 May 2018-ci il tarixində “Listinq Məsləhət Proqramı” -na qoşulma haqqında saziş imzalanmış və bu münasibətlə BFB-də “Açılış zəngi” mərasimi keçirilmişdir.
Sazişə əsasən BFB YTP-nin rezidenti olan şirkətlərinin Fond Birjası vasitəsilə maliyyə vəsaitlərinə çıxış imkanlarının genişləndirilməsi, təlim proqramlarının təşkil edilməsi, eləcədə YTP-nin BFB vasitəsilə maliyyələşmə həllərinin öz xidmət kataloquna daxil edilməsi nəzərdə tutulmuşdur.
