Banker.az xəbər verir ki, Bitcoin rəqəmsal valyutasının orta ölçülmüş qiyməti 18 avqustda qeydə alınan daha öncəki rekord göstəricidən (4500 dollar) 4% artaraq 4700 dollar səviyyəsində yeni maksimum həddə çatıb.
Bununla da, ən populyar kriptovalyuta ilin əvvəlindən 350%-dən çox bahalaşıb. Xatırladaq ki, 2017-ci ilin 1 yanvar tarixində onun qiyməti təqribən 1000 dollar təşkil edirdi. İndi isə Bitcoin demək olar ki, 3 unsiya qızıla bərabərdir.
Standpoint Research şirkətinin təsisçisi və analitiki Ronni Moas güman edir ki, 2020-ci ilin sonuna qədər Bitcoin valyutasının dəyəri 1 qəpiyə görə 15-20 min dollara çatacaq. Onun proqnozlarına əsasən, bütün rəqəmsal valyutaların bazar kapitalizasiyası yaxın 10 il ərzində hazır ki 165 milyard dollardan 2 trilyon dollara qədər artacaq.
Moas daha əvvəl Bitcoinin dəyərinin bir neçə aydan sonra 5000 dollara artacağını, Ethereumun qiymətinin isə iki qat yüksələcəyini proqnozlaşdırmışdı.
