“Fitch” beynəlxalq reytinq agentliyi Böyük Britaniyanın uzunmüddətli kredit reytinqini bir pillə aşağı salıb.
Agentliyin məlumatında kredit reytinqinin “AA+”dən “AA” səviyyəsinə düşdüyü göstərilib. Bu barədə Report məlumat verir.
Buna səbəb kimi isə Böyük Britaniyanda Avropa İttifaqından çıxış üzrə keçirilmiş referendumun nəticələri göstərilib. Belə ki, “Brexit” milli iqtisadiyyata mənfi təsir göstərə bilər.
“Fitch”, həmçinin 2016-cı ildə Böyük Britaniyada ÜDM-in artım proqnozunu 1,9 fazidən 1,6 faizədək azaltmağı qərara alıb. Agentliyin hesablamalarına görə, 2017-2018-ci illərdə iqtisadiyyat 0,9% ilə artacaq (əvvəllər 2% artım olacağı gözlənilirdi – red.). “Fitch” bu rəqəmlərin Aİ-yə ixracatın azalmasına təsir göstərə biləcəyini hesab edir.
Məlumat üçün demək istərdik ki Standard and Poors da Böyük Britaniyanın kredit reytinqini aşağı salınması barədə məlumat yayılmışdı.
