Şəffaf büdcə
From ..::Banker.az::..
Şəffaf büdcə (transparent budget) – demokratik dövlətdə dövlət büdcəsi – ictimai (açıq) siyasət alətidir. Büdcə sadəcə resurslar və tələbatlar balansı deyildir. O, dövlətin vergi ödəyiciləri və büdcə xərclərini əldə edənlərlə maliyyə qarşılıqlı münasibətinin mürəkkəb kompleksidir. Şəffaf büdcə – hökumətin irəli sürdüyü siyasətin ictimai ekspertizası və onun səmərəliliyinin müzakirəsi üçün açıq olan büdcəyaratma sistemidir. Şəffaf büdcə informasiyanın əlçatan olması, büdcə prosesində ictimaiyyətin iştirak imkanının olması, qanunverici və icraedici orqanlar arasında funksiyaların dəqiq bölgüsünün olması deməkdir.
Mənbə: Dövlət Maliyyəsi Terminləri Lügəti , Kənan Aslanlı
