Diskont

Diskont - (ingiliscə - discount - endirim, latınca - computare - hesaba almaq) - 1) qiymətli kağızın fond birjasında hazırda cari birja kursu ilə satıldığı qiymətlə, onun nominal və ya satış qiyməti arasındakı fərqi; 2) valyutanın forvard kursu (sövdələşmənin bağlandığı anda, lakin ödənişi gələcək zamanlarda təmin ediləcək təsbit olunan kursla) ilə onun təcili ödəniş kursu arasındakı fərq; 3) əmtəənin qiyməti ilə onun şərtləşərək təhvil verilməsinin müxtəlif müddətləri arasındakı qiymət fərqi; 4) əmtəənin müqavilə şərtləri və ya standartı ilə bağlı keyfiyyətinin uyğun gəlməməsi səbəbindən qiymətinin aşağı (endirim) düşməsi; 5) ödəniş müddətinə qədər faizlər çıxıldıqda bankda və ya özəl şəxsdə vekselin üçotu; 6) bazarın vəziyyətini nəzərə almaqla qiymətlər endirimi; 7) faiz və xərclər hesaba alınmaqla qiymətli kağızın bankdakı uçotuna əsaslanan xüsusi bank kredit əməliyyatı.

---

Mənbə  : Iqtisad elmləri doktoru, professor Elşən Hacızadə

web səhifəsi: www.elshanhajizadeh.com