Dollar möhkəmlənməyə başladı – Proses bir müddət aktuallığını qoruyacaq

ABŞ dollarının məzənnəsi qlobal valyuta bazarında Yaponiya yeni istisna olmaqla digər bütün əksər valyutalarla müqayisədə möhkəmlənməyə başlayıb.

“Bloomberg” agentliyinə istinadən, buna səbəb Yaponiya Mərkəzi Bankının (BoJ) bu gün monetar siyasətini sərtləşdirərək istiqraz alışını 20 mlrd. yen (177,3 mln. dollar) azaltması barədə xəbər olub.

BoJ-un qərarından sonra əvvəlcə Yaponiyada, daha sonra Avropada faizlər artmağa başlayıb. Bununla yanaşı, ABŞ dövlət istiqrazlarının faizlərində də artım müşahidə olunub. Belə ki, ABŞ-da 10 illik etalon dövlət istiqrazlarının faizləri son 10 ayda ilk dəfə 2,50% səviyyəsini ötüb. “ING Bank NV”-nin faiz strategiyası üzrə mütəxəssisi Martin van Vilet bildirib ki, “ABŞ bazarının açılması və törəmə maliyyə alətləri ilə əməliyyatların başlamasından sonra nələr olacağını görmək maraqlıdır. Əgər 10 ilik istiqrazların faizi 2,50% səviyyəsini aqressiv şəkildə ötərsə, o zaman 2,60%-ə doğru hərəkətin şahidi ola bilərik”.

Mənbənin analitik qrupu bildirir ki, əgər ABŞ-ın 10 illik istiqrazlarında artım davam edərsə, dolların möhkəmlənməsi prosesi bir müddət aktuallığını qoruyacaq.

📝 RƏY BİLDİR