Forbes jurnalı ənənəvi olaraq yenilənmiş dünya milyarderlərinin reytinqi təqdim etdi. Reytinqin ən varlı və nüfuzlu milyarderləri ilə tanış olaq:
Bill Gates
Ölkə: ABŞ
Forbes reytinqində yeri: 1-ci yer
Sərvəti: $76,4 milyard
Fəaliyyət növü: Microsoft yaradıcısı olan Bill Gates Harvard universitetindəki təhsilini yarıda qoyur və ideyalarını həyata keçirməyə cəhd edir. Hazırda fəal olaraq xeyriyyəçiliklə məşğul olur və Gates Foundation fondunun sahibidir.
Amansio Orteqa
Ölkə: İspaniya
Forbes reytinqində yeri: 2-ci yer
Sərvəti: $61,1 milyard
Fəaliyyət növü: 1975-ci ildə keçmiş həyat yoldaşı Rozali Mera ilə birlikdə Zara brendini yaradıb. Amansio Orteqa İspaniyanın ən varlı insanı, pərakəndə ticarət maqnatı olmaqla, məhsul təminatının böyük hissəsinə nəzarət edir. O cəmi 5 il ərzində (2009-cu ildən 2014-cü ilə qədər) 45 milyon dollar qazanmağı bacarıb. Orteqa bütün vəsaitlərini dünyanın müxtəlif ölkələrində daşınmaz əmlaka investisiya edir.
Karlos Slim Elu
Ölkə: Meksika
Forbes reytinqində yeri: 5-ci yer
Sərvəti: $47,4 milyard
Fəaliyyət növü: Karlos Slim Elu – Grupo Carso meksikan şirkətinin yaradıcısı və direktorlar şurasının sədridir. O üzləşdiyi maliyyə çətinliklərinə baxmayaraq, 2015-ci ildə The New York Times qəzetinin səhmdarına çevrildi.
Lilian Betankur
Ölkə: Fransa
Forbes reytinqində yeri: 11-ci yer
Sərvəti: $36, 3 milyard
Fəaliyyət növü: Lilian Nestle şirkətindən L’Oreal-ın 8%-ni aldıqda dünyanın varlı insanları siyahısına düşməyi bacarmışdı. Hazırda Betankur dünyanın ən varlı qadınları reytinqində 2-ci, dünyanın ən varlı insanları reytinqində isə 11-cidir.
Devid Tomson
Ölkə: Kanada
Forbes reytinqində yeri: 29-cu yer
Sərvəti: $23 milyard
Fəaliyyət növü: Kanadalı media maqnat bir zamanlar KİV-ə qapalı olmağı ilə məşhur idi. Buna baxmayaraq, Thomson Reuters media-nəşriyyat şirkətinin sədridir. Həmçinin, Woodbridge ailə biznesini idarə edir və şirkətin 57% səhminə, Winnipeg Jets xokkey komandasının bir hissəsinə sahibdir.
Şahzadə əl-Valid ben Talal Al Saud
Ölkə: Səudiyyə Ərəbistanı
Forbes reytinqində yeri: 40-cı yer
Sərvəti: $17,6 milyard
Fəaliyyət növü: Bu ərəb şahzadəsi atasından aldığı 300 000 dollar krediti 32 milyard dollar şəxsi gəlirə çevirməyi bacarıb. O Səudiyyə kral ailəsinin üzvü, sahibkar və beynəlxalq bazarların investorudur.
Kild Kirk Kristiansen
Ölkə: Danimatka
Forbes reytinqində yeri: 68-ci yer
Sərvəti: $12,8 milyard
Fəaliyyət növü: O Danimarkanın ən varlı şəxsidir. O Lego oyuncaq şirkətinin yaradıcısı olan Ole Kirk Kristiansenin nəvəsidir.
Con Fredriksen
Ölkə: Kipr
Forbes reytinqində yeri: 142-ci yer
Sərvəti: $8 milyard
Fəaliyyət növü: O hazırda Kipr vətəndaşı olmasına baxmayaraq, onu ən varlı norveçli hesab etmək olar. Fredriksen ö sərvətini qara qızıla borcludur və İran-İraq müharibəsi zamanı (1980-1988) neft daşınmasından nəhəng pullar əldə edə bilmişdi.
