Banker.az saytı olaraq sizə dünyanın ən bahalı, gözəl və monarxlara məxsus olan tac nümunələrini təqdim edirik:
1. Böyük Karlın tacı
İmperiya və yaxud Böyük Karlın tacı üçlükdə ilk pillədədir. Bu zinət əşyası bütün nümunələr sırasında ən qədimidir. Tac X əsrin sonunda II Konraddan başlayaraq alman monarxlarının tac qoyma mərasimi üçün hazırlanıb.
Böyük Karlın tacı bütün digər məşhur taclardan fərqlənir və 144 qiymətli daş və mirvari ilə bəzədilib.
2. Britaniya imperiyasının tacı
Bütün dünyada məşhur olan Britaniya imperiyasının tacı Luxlux.net-in təşkil etdiyi reytinqdə layiqli olaraq ikinci pilləni tutmuşdur. Bu tac şəxsən Britaniya kraliçasına deyil, dövlətə məxsusdur.
Bu tac 2 868 brilyant, 273 mirvari, 17 sapfir, 11 zümrüd və 5 rubin ilə bəzədilib.
3. Rusiya imperiyasının böyük imperator tacı
Bu tac Rusiya monarxlarının əsas simvoludur. Bu tacı II Yekaterinadan tutmuş bütün Rusiya imperatorları daşımışlar.
Zərgərlər bu tacı hazırlayarkən 2 858 karatlıq 4936 brilliant və ümumi çəkiləri 763 karat olan iki sıra mirvaridən istifadə etmişlər. Qeyd edək ki, tac iki yarımkürə olaraq hazırlanmışdır ki, bu da Rusiya imperiyası ərazisində şərqlə qərbin birləşməsini əks etdirir.
