Fondun agent bankları verdiyi ipoteka kreditiləri həcmini 32%artırdı

2018-ci ilin birinci rübündə İpoteka və Kredit Zəmanət Fondunun (İKZF) agent bankları tərəfindən 49,3 mln. manat məbləğində ipoteka krediti verilib ki, bu da ötən ilin müvafiq dövrünün göstəricisindən 31,5% çoxdur. Bu barədə Mərkəzi Bankdan (AMB) məlumat verilib.

Mart ayında agent banklar tərəfindən 15,5 mln. manat məbləğində ipoteka krediti verilib.

AMB-nin məlumatına görə, cari ilin yanvar-mart aylarında İKZF 52,3 mln. manat məbləğində krediti təkrar maliyyələşdirib (2017-ci ilin müvafiq dövrü ilə müqayisədə artım 23,8 dəfə – İF).

Birinci rübdə fond sosial ipotekanın maliyyələşdirilməsi üçün dövlət büdcəsindən 50 mln. manat alıb.

İKZF 2018-ci ilin yanvar-mart aylarında istiqrazların yerləşdirilməsindən 35 mln. manat cəlb edib.

2017-ci ildə fondun agent bankları tərəfindən 202,9 mln. manat məbləğində ipoteka krediti verilib.

Prezident İlham Əliyev 2017-ci il dekabrın 26-da “Azərbaycan İpoteka Fondu” ASC-nin ləğv edilməsi və İpoteka və Kredit Zəmanət Fondunun yaradılması haqqında fərman imzalayıb.

Kommersiya şərtləri ilə ipoteka kreditləri manatla və yalnız Azərbaycan vətəndaşlarına verilir. Kreditlər 3 ildən 25 ilədək müddətə verilir. Kreditin maksimum həcmi 150 min manatı keçməməlidir. Kredit illik 8%-dən çox olmayan dərəcə ilə verilir. İlkin ödəniş 15-25% təşkil edir.

Dövlət büdcəsindən yalnız sosial ipoteka maliyyələşdirilir. Onun maksimal məbləği 100 min manat təşkil edir, illik faiz dərəcəsi 4%-dən çox deyil. Müddəti 30 ilə qədərdir. İlkin ödəniş 10% təşkil edir.

📝 RƏY BİLDİR