Jeff Bezos bütün zamanların ən varlı şəxsi oldu

Jeff Bezos,

Banker.az xəbər verir ki, Amerikanın CNN telekanalı Amazon şirkətinin təsisçisi Jeff Bezosu dünyanın ən varlı insanı elan edib. Bloomberg agentliyinin təşkil etdiyi milyarderlər reytinqinə əsasən, onun sərvəti 2018-ci ilin 9 yanvar tarixində 105 milyard dollar təşkil edir.

Bezosun sərvəti ənənəvi olaraq Amazon şirkətinin səhmlərinin dəyərinin artması hesabına yüksəlib. Belə ki, şirkətin səhmləri 2018-ci ilin ilk günlərində 6,62 faiz bahalaşıb və 1 səhmə görə 1,3 min dollar təşkil edib.

Qeyd edək ki, Bezos Amazon şirkətinin əsasını 1994-cü ildə qoyub. Amazon səhmləri ilə yanaşı, Bezos The Washington Post qəzetinə və kosmik gəmilərin istehsalı ilə məşğul olan Blue Origin şirkətinə malikdir.