8 C
Baku
Friday, March 29, 2024

“Kapital Bank” Banklararası “Nə? Harada? Nə zaman?” yarışının qalibi olub

Azərbaycan Banklar Assosiasiyası (ABA) tərəfindən keçirilən “Nə? Harada? Nə zaman?” yarışının qalibləri məlum olub.

Banker.az-a bu barədə BBN-dən məlumat daxil olub.

27 oktyabr 2017-ci il tarixində ABA tərəfindən ilk Banklararası “Nə? Harada? Nə zaman?” yarışı keçirilib. 13 bankdan 100-ə yaxın əməkdaşın iştirak etdiyi yarışın qalibi “Kapital Bank” komandası olub.

3 mərhələdən ibarət yarışda II yeri isə “Bank of Baku” komandası tutub. Qeyd edək ki, “Bank of Baku” ötən il ABA tərəfindən keçirilən Banklararası “Breyn Ring” Çempionatının da qalibidir.

Üçüncü yerin müəyyənləşdirilməsi üçün isə əlavə bir mərhələ keçirilib. Əlavə beş sualın 4-nə doğru cavab verən “Dəmirbank” isə ilk üçüncülüyü əldə edib. Xatırladaq ki, bu bank ötən ilki Banklararası “Breyn Ring” Çempionatında da üçüncü yeri tutmuşdu.

Qaliblər ABA-nın İcraçı direktoru Yunus Abdulov tərəfindən mükafatlandırılıb.

Sıra Komanda Xal Reytinq
I “Kapital Bank” 24 101
II “Bank of Baku” 23 110
III “Dəmirbank” 19 62
Son xəbərlər
Digər xəbərlər