Banker.az xəbər verir ki, Londonun Dadiani Fine Art incəsənət qalereyası Bitcoin, Ethereum и Ethereum Classic də daxil olmaqla 6 rəqəmsal valyutanı ödəniş vasitəsi olaraq qəbul etməyə başlayıb.
Qalereya sahibi Elis Dadiani-nin fikrincə, incəsənət sahəsində Bitcoin kimi rəqəmsal valyutaların tətbiq edilməsi digər biznesmenlərə texnoloji innovasiyalardan istifadə edilməsi barədə düşünmək üçün bir siqnal ola bilər.
Dadiani belə düşünür ki, mövcud sistem artıq köhnəlib, rəqəmsal valyutalar isə “yeni nəfəs” ola bilər.
Qalereya Bitcoin ilə yanaşı, Ethereum, Ethereum Classic, Ripple, Litecoin və Dash kriptovalyutalarını da ödəniş qismində qəbul edəcək. Bundan əlavə, qalereya şəxsi DadiCoin kriptovalyutasının buraxılmasını da planlaşdırır.
