Banker.az xəbər verir ki, Microsoft şirkəti artıq Paint qrafik redaktorunu dəstəkləməyəcək. Qeyd edək ki, Paint ilk dəfə 1985-ci ildə işıq üzü görüb və o zamandan etibarən əməliyyat sisteminin hər versiyasında buraxılıb.
Bu haqda məlumat Microsoft-un Windows 10 üçün Fall Creators Update yenilənməsində ediləcək dəyişikliklərin siyahısında yer alıb. Paint siyahıda köhnəlmiş tətbiqetmə kimi qeyd edilib. Sənəddə qeyd edilir ki, artıq bu tətbiqetmə Windows-un növbəti versiyalarında start paket proqramlarında yer almaya bilər.
Bundan əlavə, əməliyyat sisteminin yeni versiyalarında System Image Backup (SIB) Solution, Outlook Express, Reader App və Reading List-də yer almayacaq.
Xatırladaq ki, Paint-in ilk versiyası Windows 1.0-da peyda olmuşdu.
