Satya Nadella Microsoft şirkətinə rəhbərlik edəcəyi bir il ərzində 1,2 milyon dollar əmək haqqı alacaq. Bu da öz növbəsində ondan əvvəl bu vəzifədə çalışan Stiv Balmerin qazandığı əmək haqqıdan iki dəfə çoxdur.
ABŞ-ın birja və qiymətli kağızlar üzrə komitəsinə verilən məlumata görə, Nadellaya əldə edəcəyi əmək haqqının 300%-i həcmində əlavə ödəmələr, həmçinin 2015-ci maliyyə ili ərzində səhmlər formasında 13,2 milyon dollar təqdim ediləcək. Nəticədə də Nadella Microsoft şirkətində keçirdiyi bir il ərzində təqribən 18 milyon dollar əldə edəcək.
Həmçinin Satya Nadellaya LTPSA yaxud Long-Term Performance Stock Awards proqramı tətbiq ediləcək. Bu proqramın şərtlərinə görə, o Microsoft şirkətindən 7 il ərzində 2,7 milyon ədəd səhm əldə edəcək.
