Bu ilin ilk yarısında “Muğanbank” ASC-nin işçilərinin sayı 9,25% azalıb. Bu barədə agentlik Banka istinadən xəbər verir.
Məlumata görə, iyulun 1-nə “Muğanbank”ın işçilərinin sayı 824 olub. Bu isə yanvarın 1-i ilə müqayisədə 84 nəfər azdır.
Xatırladaq ki, “Muğanbank” 1992-ci ildə yaradılıb. Onun nizamnamə kapitalı 65 mln. manatdır. Bankın səhmlərinin 63,5%-i Elmir Maqbet oğlu Mehdiyevə (Bankın Müşahidə Şurasının sədri), 13,1%-i Maqbet Rəhim oğlu Mehdiyevə, 12,05%-i Vəfa Əhməd qızı Vəliyevaya, 11,35%-i isə Fəridə Cahandar qızı Mehdiyevaya məxsusdur.
