5 C
Baku
Friday, March 29, 2024

“Müştəri hər zaman haqlıdır” ideyası cəfəngiyyatdır!

Heç kəsə sirr deyil ki, müştərilər biznesiniz və sağlamlığınız üçün faydalıdırlar. Lakin bu medalyonun əks tərəfi də mövcuddur və faydalı müştərilərlə yanaşı, əsəblərinizi sıradan çıxaran, fayda əvəzinə daha da zərər gətirən müştərilər də az deyil.

Dizayner və sahibkar olan Pol Carvis faydalı və yalnızca müsbət yüklü gəlirlər qazandıran müştəriləri onların əksi olan müştərilərdən necə ayırd etməli və onlarla necə davranmalı olduğumuzu izah etmişdir.

Biznesinizin uğur qazanması üçün maliyyə öhdəliklərinin icrası prosesinə keçmədən öncə faydasız müştəriləri faydalı müştərilərdən fərqləndirməyi öyrənməlisiniz. Bu eyni zamanda həm elm, həm də intuitiv bacarıqdır. Onalrı bir-birindən nə qədər çox fərqləndirməyi bacarsanız, layihələriniz və nəticələriniz bir o qədər sürətlə inkişaf edəcək.

Hətta bu fərqləndirmə prosesinə emosiyalar müdaxilə etsələr belə, müştərinin sizə nə dərəcədə uyğun gəldiyini qiymətləndirmək üçün real imkanlar mövcuddur. Bu qiymətləndirmədən qaçmağa çalışsanız verdiyiniz yalnış qərarlar istina hal olmayacaq və faydasız müştərilər ilə işləməli olacaqsınız. Müştəriləri düzgün şəkildə qiymətləndirmək üçün isə ilk öncə özünüzü təhlil etməli və özünüzdə bəzi şeyləri dəqiqləşdirməlisiniz:

  • Hansı işi daha tez-tez görmək istəyirsiniz və hansı layihələr ilə məşhurluq əldə etmək istərdiniz?
  • Sevimli müştəriləriniz hansı tipə məxsusdurlar? Hansı sahələrdə işləyirlər?
  • Layihələr üzərində fərdi şəkildə işləyərkən digər insanların sahib olduqları hansı şəxsiyyət cizgiləri sizə daha çox kömək edir?
  • Hansı müştərilər ilə (hansı sahələrdə işləyən) işləmək istəmərdiniz?
  • Hansı layihələr sizin üçün daha uğurlu olub? Hansı səbəbə görə?
  • Hansı layihələr uğursuzluqla nəticələnib? Hansı səbəbə görə?

İndi, işinizə olan münasibətinizi daha yaxşı anladıqdan sonra müştərilərinizi daha keyfiyyətli şəkildə qiymətləndirə bilərsiniz. Bu və ya digər layihə və yaxud müştəri ilə işləməyə davam edib-etməyəcəyinizi aydınlaşdırmağa kömək edəcək suallar siyahısı tərtib edin.

Bir cəhəti yadda saxlayın ki, bu siyahını müştəriyə sorğu qismində təqdim etmək elə də vacib deyil. Bu məlumatları şəxsi olaraq izləyin.

Tərtib edəcəyiniz anketə aşağıdakı sual nümunələrini əlavə edə bilərsiniz:

  1. Müştəri sizinlə işləməkdə maraqlıdırmı?
  2. Müştəri sizin bacarıqlarınıza etibar edirmi?
  3. Müştəri sizin əməyinizi qiymətləndirəcək dərəcədə nə ilə məşğul olduğunuzu anlayırmı?
  4. Cari müştəri hər hansı yeni bacarıq əldə etməyə və yaxud artıq mövcud olan bacarığı inkişaf etdirməyə şans yaradacaqmı?
  5. Cari müştəri gələcəkdə də hansısa müqavilələrdə iştirak etmək ehtimalına sahibdir?
  6. Bu şirkət uğur qazanacaqmı?
  7. Cari müştəri işləmək istədiyiniz auditoriyaya aiddirmi?
  8. Təyin edilmiş deadline-a qədər işi mükəmməl şəkildə icra etmək üçün zamanınız bəs edəcəkmi?
  9. Müştəri tələb etdiyiniz məbləği ödəməyə razı olacaqmı?
  10. Müştəri cari işləri mümkün qədər asanlıqla icra etmək üçün hər hansı təsəvvürə sahibdirmi?
  11. Bu layihənin məqsədlərini anlayırsınızmı?
  12. Müştəri layihənin məqsədlərini anlayırmı?
  13. Müştəri onun tərəfindən nə qədər səy tələb olunduğunu anlayırmı?

Yadda saxlayın ki, bu suallar sadəcə nümunədir. Böyük ehtimalla cavablarınız fərqli olacaq, çünki hər biriniz ayrı-ayrı dəyərlərə, xarakterə və layihələr haqqında müxtəlif yaxşı-pis anlayışlarına sahibsiniz. Lakin artıq faydalı müştəri ilə faydasız olan müştərini fərqləndirmək haqqında ilkin təsəvvürlərə sahibsiniz.

Müştərinin düzgün seçilməsi – uğurlu və gəlirli gələcək ilə boşa zaman israfı arasında seçim etməkdir.

Müdrik seçim edin!

Son xəbərlər
Digər xəbərlər