5 C
Baku
Friday, March 29, 2024

Nazir: “Skype”, “Facebook”, “WhatsApp” lisenziyalaşdırılmalıdır

Əli Abbasov bunun istifadəçilər üçün heç bir problem yaratmayacağını deyib.

“Azəbaycanda azad internet var. Heç bir xidmət məhdudlaşdırılmır. Eyni zamanda sosial şəbəkələr də azad fəaliyyət göstərir”.

Bunu jurnalistlərə açıqlamasında Rabitə və Yüksək Texnologiyalar naziri Əli Abbasov deyib. Nazir əlavə edib ki, rabitə xidmətləri göstərən “Skype”, “Facebook” , “WhatsApp” daxil olmaqla heç bir sosial şəbəkəyə məhdudiyyətlər tətbiq olunmur:

“Azərbaycanda fəaliyyət göstərən rabitə xidmətlərinin bir neçəsi lisenziyalaşdırılmış xidmətlərdir. Hesab edirik ki, bu rabitə xidmətlərini göstərən “Skype”, “Facebook”, “WhatsApp” da lisenziyalaşdırılmalıdır. Lisenziyalaşdırma istifadəçilər üçün heç bir problem yaratmayacaq. Ancaq tənzimləyici orqanlarla həmin şirkətlər arasında müqavilələr imzalanacaq”.

Nazir həmçinin oktyabrda regionun ən böyük DATA-mərkəzi Azərbaycanda istismara veriləcəyini deyib. “DATA-mərkəz regionda fəaliyyət göstərən, məlumat emal edən bu cür mərkəzlərdən birincisi olacaq. Mərkəz həmçinin regionun digər ölkələri və “Google”, “Facebook” və digər böyük şirkətlərə xidmət göstərəcək. Bu bizim informasiya təhlükəsizliyi və kiber hücumlardan qorunmaq üçün çox vacibdir”.

ANS PRESS

Son xəbərlər
Digər xəbərlər