Azərbaycan Prezidenti İlham Əliyev Dövlət Qulluğunu İdarəetmə Şurasının üzvlərinin təyin edilməsi haqqında sərəncam imzalayıb. Bu barədə Banker.az-a Prezidentin rəsmi internet səhifəsindən məlumat daxil olub.
Aşağıdakı şəxslər Azərbaycan Respublikasının Dövlət Qulluğunu İdarəetmə Şurasının üzvləri təyin edilib:
Ramiz Mehdiyev – Azərbaycan Respublikası Prezidentinin Administrasiyasının rəhbəri
Zeynal Nağdəliyev – Azərbaycan Respublikası Prezidentinin Ərazi-təşkilat məsələləri üzrə köməkçisi – şöbə müdiri
Süleyman İsmayılov – Azərbaycan Respublikası Prezidentinin Administrasiyasının Sənədlərlə və vətəndaşların müraciətləri ilə iş şöbəsinin müdiri
Şahin Əliyev – Azərbaycan Respublikası Prezidentinin Administrasiyasının Qanunvericilik və hüquq ekspertizası məsələləri şöbəsinin müdiri
Tələt Məcidov – Azərbaycan Respublikası Prezidentinin Administrasiyasının Dövlət qulluğu və kadr məsələləri şöbəsinin müdiri
Urxan Ələkbərov – Azərbaycan Respublikasının Prezidenti yanında Dövlət İdarəçilik Akademiyasının rektoru.
Qeyd edə ki, Sərəncam bu gündən, yəni, 20 fevral 2018-ci il tarixindən qüvvəyə minir.
XATIRLATMA!
2001-ci il fərmanında şura üzvləri belə idi:
- Ramiz Mehdiyev – Azərbaycan Respublikası Prezidentinin İcra Aparatının rəhbəri
- Süleyman İsmayılov – Azərbaycan Respublikası Prezidentinin İcra Aparatının Ümumi şöbəsinin müdiri
- Yusif Hümbətov – Azərbaycan Respublikası Prezidentinin İcra Aparatının Ərazi idarəetmə orqanları ilə iş şöbəsinin müdiri
- Ağabala Hacıyev – Azərbaycan Respublikası Nazirlər Kabinetinin işlər müdiri
- Əbülfəz Qarayev – Azərbaycan Respublikasının gənclər, idman və turizm naziri
- Seyfəddin Qəndilov – Azərbaycan Respublikası Prezidentinin yanında Dövlət İdarəçilik Akademiyasının rektoru
