Azərbaycan Prezidenti İlham Əliyev sosial müavinətlərin məbləğinin 10% artırılması haqqında sərəncam imzalayıb.
““Sosial müavinətlərin məbləğinin artırılması haqqında” Azərbaycan Respublikası Prezidentinin 2013-cü il 29 avqust tarixli 973 nömrəli Fərmanı ilə müəyyən edilmiş sosial müavinətlərin məbləği 2018-ci il martın 1-dən orta hesabla 10 faiz artırılsın.” – deyə Banker.az-a daxil olan məlumatda qeyd edilir.
Bundan əlavə, uşağa qulluğa görə qismən ödənişli sosial məzuniyyətdə olanlara verilən aylıq müavinətin məbləği 2018-ci il martın 1-dən 10 faiz artırılıb.
