“Sberbank”ın Liqov prospektində yerləşən filialı müvəqqəti olaraq bağlanıb, səbəb isə ofisdə aşkar edilən şübhəli əşya olub. Filialda olan hər kəs təxliyə edilib.
Bu barədə RİA Novosti-yə “Sberbank Rossiya”nın Şimali-qərb bankının mətbuat xidmətindən bildirilib.
“Şübhəli bağlama aşkar edilib. Təlimata uyğun olaraq təxliyə işləri aparılıb. Hazırda yoxlama aparılır, yoxlamadan sonra ofis işini bərpa edəcək”, – bankın mətbuat xidmətində bildiriblər.
Daha öncə KİV-də Liqov prospektində xüsusi təyinatlıların “Sberbank”ın ofisinin yerləşdiyi binanı mühasirəyə almasına dair məlumat yayılmışdı.
