Banker.az monitorinq qrupu tərəfindən fərqli tarixlərdə taksit kartları ilə bağlı olan fərqli konspetdə olan araşdırmalar və təhlillər aparılaraq oxuculara təqdim edilib.

Bu mövzuya tez – tez toxunmağımızın səbəbi həm oxucuların əksəriyyətinin maraq dairəsinə xitab etməsi, həm də bu məhsullar üzrə şərtlərə Banklar tərəfindən tez-tez müdaxilə olunaraq bazar tələblərinə uyğunlaşdırılmasıdır. 

Yəqin ki, bizimlə razılaşarsız ki, taksit kartlarının əldə edilməsi prosesi nağd kreditlərlə müqayisədə daha qəlizdir. Banklar adətən bu məhsullar üzrə müəyyən seqmentləşmə aparır və hər seqment üzrə müxtəlif şərtlər təqdim edir, həmçinin hər seqment üzrə fərqli tələblər müəyyən edir. Oxucularımıza daha da aydın olması üçün qeyd edilənlərə qısaca izah vermək istərdik:  Bankların taksit kart məhsulları adi və premium seqment məhsullar olmaqla fərqləndirilir və premium seqmentə aid olan məhsul bir sıra özəllikləri ilə ön plana çıxır. Lakin premium seqment məhsulu əldə etmək elə də asan deyil. Səbəb isə Banklar bu məhsulların ərizəçiləri üçün müəyyən tələblər təyin edir. Bu tələblərə misal olaraq, minimal əmək haqqı, iş yeri, kredit tarixçəsi və s. misal göstərmək olar. Biz bugün, premium və adi seqmentə aid olan taksit kartları üzrə əmək haqqı tələblərini və bu tələblər müqabilində kart istifadəçisinə verilən üstünlükləri təhlil etmişik. Aşağıdakı cədvəldə bu məlumatları müqayisəli şəkildə görə bilərsiniz.

Bank /  Kart	Kartın növləri	Əmək haqqı tələbi	Premium seqmentin üstünlükləri
Bolkart Bank of Baku	Adi seqment Bolkart Ailə və Bolkart Gənc Premium seqment Bolkart Gold Bolkart Diamond (Visa İnfinite)	Adi seqment üzrə 205 AZN (vergilər tutulmamış) Premium seqment üzrə Gold – fərdi baxılır (kart üzrə minimum limit 3000 AZN-dir) Diamond – 2400 AZN (vergilər tutulmamış)	Bolkart Gold Nağdsız əməliyyatlara 45 günədək güzəşt müddəti. Xaricdə daha çox “Bal” qazanmaq imkanı. Bolkart Diamond Nağdsız əməliyyatlara 45 günədək güzəşt müddəti. Xaricdə daha çox “Bal” qazanmaq imkanı. “Bal”ların MİL ilə dəyişdirilməsi imkanı. Visa İnfinite-nin verdiyi digər üstünlüklər.
Albalı Plus Unibank	Adi seqment Albalı Plus Standart Premium seqment Albalı Plus  Gold	Adi seqment üzrə 100 AZN (xalis  /net) Premium seqment üzrə 500 AZN ( xalis  / net)	Albalı Plus  Gold Həm nağd, həm də nağdsız əməliyyatlarda 40 günədək güzəşt müddəti. Kart üzrə tam limiti nağdlaşdırma imkanı.
Wolrdcard YapıkrediBank	Adi seqment Worldcard Classic Premium seqment Worldcard Gold Worldcard Platinium	Hər 2 seqment üzrə – 250 AZN (xalis  /net)	Worldcard Gold Nağdlaşma Limiti 60% Worldcard Platinium Nağdlaşma Limiti 100% Hər iki kart üzrə bəzi xarici ölkələrdə etdiyiniz alış-verişləri avtomatik olaraq taksitə bölmək mümkündür.
Birkart Kapital Bank	Adi seqment Birkart Premium seqment Birkart Cashback	Kapital Bankdan maaş / təqaüd alanlar üzrə Hər 2 seqment üzrə – 100 AZN (xalis  /net) Əmək haqqı  kartı digər banka məxsus olduqda Dövlət müəssisələri – 100 AZN (xalis  /net) Özəl müəssisələr – 250 AZN (xalis  /net)	Birkart Cashback İstifadəçinin nağdsız əməliyyatlar üzrə 1.5%-dən 10%-dək “cashback” qazanma imkanı.
Paykart Bank Respublika	Seqmentləşmə yoxdur	220 AZN (xalis net)	Premium seqment mövcud deyil
Smile Card Express Bank	Seqmentləşmə yoxdur	200 AZN (xalis net)	Premium seqment mövcud deyil