Atlantik okeanın ortasında, Avropa qitəsindən 1300 kilometr məsafədə Azor adaları arxipelaqı yerləşir. Bu arxipelaq doqquz adadan ibarətdir.
Doqquz adadan savayı, onların sahillərində vulkanlar nəticəsində yaranmış kiçik adalar da var. Ən maraqlı adalardan biri Vila-Franka-du-Kampu adasıdır.
Vila- Franka- du- Kampu adası köhnə sualtı krater nəticəsində əmələ gəlib. Məhz buna görə adanın ortasında gölün bu qədər mükəmməl dairəvi forması var.
Bir zamanlar bu ada qəsr qismində istifadə olunurdu. Hal- hazırda Vila- Franka- du- Kampu qoruq sayılır və bu adaya iyul ayından sentyabr ayına qədər getmək olar. Bu adada bələdçisiz gəzmək mümkün deyil.
Həmçinin burada kliff-dayvinq üzrə çempionatlar keçirilir.