Gündəlik həyatımızda istifadə etdiyimiz adi və faydalı əşyaların heç də hamısı ciddi alim və ixtiraçılar təərfindən kəşf edilməyib. Bəzən bu ixtiralara heç ağlımıza belə gətirmədiyimiz yaşda olan uşaqlar da imza ata bilərlər. Aşağıda sizə uşaqların ixtira etdiyi və bir çox müasir problemləri həll edə biləcək ixtiraları təqdim edirik:
Brayl şrifti
Kəşf edən: Lui Brayl, 15 yaş
15 yaşlı Lui Brayl 1824-cü ildə görmə qüsurlu insanların oxumasını mümkün edə biləcək şrifti kəşf edir və bu şrift hazırda da bütün dünyada istifadə edilir. O bu şrifti yaradarkən artilleriya komandiri Şarl Barbie-nin qaranlıqda oxumanı mümkün edən hərbi əlifbaya əsaslanmışdır.
Xərçəng xəstəliyinin diaqnostikasında yeni metod
Kəşf edən: Cek Andraka, 15 yaş
15 yaşlı məktəbli onkoloji xəstəliklərin diaqnostikasında yeni metodlar yaratmışdır. Onun yaratdığı testin nəticələrini 5 dəqiqəyə əldə etmək mümkündür.
Tramplin
Kəşf edən: Con Nissen, 16 yaş
Tramplinin yaradılması ideyası 16 yaşlı gimnast Corc Nissenə məxsusdur. Bu kəşfin üzərindən illər keçsə də, müasir dövrdə də dəyişiklik edilmədən istifadə edilir. Çünki hər şey mükəmməl şəkildə yaradılmışdı.
Zəif eşidən insanlar üçün cihaz
Kəşf edən: Coana Kon, 14 yaş
14 yaşlı Coana Kon Good Vibrations adlı cihaz ixtira edir və bu qurğu toxunma zamanı yaranan hisləri səs dalğalarına çevirir. Zəif eşidən insanlar bunun sayəsində musiqini duya bilirdilər.
Şəxsu sualtı qayıq
Kəşf edən: Justin Bekermen, 18 yaş
Amerikalı məktəbli daşına bilən sualtı qayıq ixtira etmişdi və onun bu kəşfi ailəsinə cəmi 2 min dollara başa gəlmişdi. Bu sualtı qayır 2 metr dərinliyə enməyə və bir neçə saat su altında qalmağa imkan yaradırdı.