Banker.az xəbər verir ki, Vertu şirkəti mediaya bəyanatla çıxış edib və sözügedən bu bəyanatda şirkətin öz fəaliyyətini tam olaraq dayandırması barədə yayılan şayiələr təkzib olunur.
Bəyanatda qeyd edilir ki, brendin yalnızca Britaniyada yerləşən bölməsi bağlanılır, dünyanın digər ölkələrində isə Vertu öz fəaliyyətini davam etdirəcək. Bundan əlavə, şirkətin butiklərində yeni Vertu Constellation X smartfonu peyda olacaq.
Şirkət həmçinin Hindistan və Latın Amerikası kimi yeni bazarlara çıxmaq niyyətində olduğunu da vurğulayıb.
Qeyd edək ki, bir müddət öncə KİV-də Vertu şirkətinin tam olaraq öz fəaliyyətini dayandırması ilə bağlı məlumat yayılmışdı.
