YouTube-da online translyasiya edən istifadəçilər onların məzmunlarına Super Chat servisinin köməkliyi ilə baxılmasına görə pul əldə edə biləcəklər.
Banker.az xəbər verir ki, bu haqda videoservisin blogunda məlumat verilib.
İlkin mərhələdə bu funksiyadan abunəçi sayı 10 min nəfəri geridə qoyan istifadəçilər yararlana biləcək. Xidmət digər şəxslər üçün isə bu funksiyanı “yaxın zamanda” əl çatan etməyi vəd edib.
İlk olaraq dünyanın 20 ölkəsindən olan bloggerlər və 40 dövlətdən olan izləyicilər bu funksiyadan istifadə edəcək.
Canlı yayımı izləyən izləyici ümumi çatda şərh “ala” bilər ki, onun pul qarşılığında əldə etdiyi bu şərh xüsusi rəng ilə digər şərhlərdən fərqlənəcək və 5 saat ərzində digərlərindən daha yuxarı hissədə göstəriləcək.
