Avropa Mərkəzi Bankı (ECB) 2020-ci ili 1,643 milyard avro mənfəətlə başa vurub.
Bu, 2019-cu illə müqayisədə 722 milyon avro və yaxud 30,5% azdır.
Ötən il ECB verdiyi kreditlərdən 2,017 milyard avro faiz gəlirləri əldə edib ki, bu da əvvəlki ilə nisbətən 24,9% azdır.
Hesabat dövründə qurumun işçi heyətinə çəkdiyi xərclər isə 14,1% artaraq 646 milyon avro təşkil edib.
ECB-nin mənfəəti ehtiyac fondu istisna olmaqla avrozona ölkələrinin mərkəzi bankları arasında bölüşdürüləcək.
