“Anatolia Holding Company Limited” şirkəti Azərbaycanda filial açıb. Dubadan olan ofşor şirkəti (Cəbəl Əli Azad Zonası) Rusiyanın Krasnodar vilayətində bir neçə müəssisəyə malikdir və Azərbaycanda istehsal və ticarətlə məşğul olmaq niyyətindədir.
Rusiya şirkətlər reyestrinə görə, “Anatolia Holding Company Limited” 2010-cu ildən Krasnoreçensk şəhərində fəaliyyət göstərən “Kuban-Ti” MMC-də 70% pay sahibidir (815.5 mln Rusiya rublu). Zavod hər ay 400 ton “Kuban çayı”, “Məryəm” və “Azərçay” markalı çay istehsal edir. Həmçinin müəssisələrdə konservləşdirilmiş ərzaq məhsulları (tərəvəz, konserv məhsulları, tomat pastası və s.) istehsal edən konserv zavodu var. “Kuban-T” MMC öz növbəsində üç şirkətin təsisçisidir: “Beltex” MMC (100%), “Astor” (50%) və “Kuban-produkt” (50%).”Anatolia Holding Company Limited” şirkəti “Kuban-Enerji” və “Kuban-Treyd” şirkətlərində 100%-lik paya malikdir. Bu şirkətin təsisçilərinin “Azersun Holding” MMC ilə əlaqəsi var. “Anatolia Holding” ofis kimi Bakıda “Azersun”un baş ofisini seçib. Filialı “Azersun Holdinq”də yüksək vəzifə tutan Akif Əsgərov idarə edir.
© Turan
