Tayvanın “Foxconn” korporasiyası COVID-19-un başlanmasından sonra zavodda tətbiq edilən məhdudiyyətlərlə bağlı problemlərə görə noyabr ayında Çinin Zhengzhou şəhərindəki zavodunda iPhone istehsalını 30% azalda bilər.
Banker.az bu barədə “Forbes”a istinadən xəbər verir.
Oktyabrın 19-da Zhengzhou şəhərində 264 infeksiya qeydə alındıqdan sonra şirkət Pekinin koronavirusun yayılmasına sıfır tolerantlıq siyasəti çərçivəsində tətbiq etdiyi sərt məhdudiyyətlərə məruz qalıb. Söhbət, digər məsələlərlə yanaşı, kadrların nəinki işlədiyi, həm də zavodda yaşadığı “qapalı dövriyyə” sisteminə keçiddən gedir.
Tayvanın “Fubon Research” şirkətinin məlumatına görə, “Foxconn” dünyanın ən böyük iPhone istehsalçısıdır və “Apple” smartfonlarının təxminən 70%-ni istehsal edir.
İstehsala mümkün təsir ilin sonundakı bayram mövsümündən əvvəl elektronika istehsalçıları üçün ənənəvi yüksək məşğulluq dövrü fonunda baş verir.
