Türkiyə prezidenti Rəcəb Tayyib Ərdoğan kriptovalyutalarla müharibə apardığını açıqlayıb.
Banker.az bu barədə xarici KİV-ə istinadən xəbər verir.
Xatırladaq ki, daha əvvəl Türkiyə Mərkəzi Bankı kriptovalyuta ödənişlərini qadağan etmişdi, bu da yerli şirkətlərin rəqəmsal valyutalarla əməliyyatlar apara bilməyəcəyi anlamına gəlir.
Qərarın əsas səbəbləri olaraq tənzimləmə ilə əlaqədar qeyri-müəyyənlik və son dərəcədə yüksək dəyişkənlik göstərilib. Ərdoğan ölkənin “rəqəmsal aktivlərin yayılması ilə bağlı heç bir problemi olmadığını” qeyd edib. Prezident əlavə olaraq bildirib ki, Türkiyə milli kimliyin bir hissəsi olan milli valyutadan istifadə etməyə davam etməyi planlaşdırır.
Ekspertlərin fikrincə, Ərdoğanın bu yanaşması Türkiyə Milli Bankının türk lirəsinin rəqəmsal versiyasını araşdırmaq və sınaqdan keçirmək üçün yeni platforma yaratmasından sonra ortaya çıxıb.
Bildirildiyi kimi, birinci mərhələdə layihənin real olub-olmadığını yoxlanılacaq. Pilot mərhələnin nəticələri gələn il açıqlanacaq.
İqtisadiyyatı idarə olunmayan inflyasiya və valyutanın dəyərdən düşməsi kimi problemlərdən əziyyət çəkən Türkiyə kriptovalyutaları tətbiq edən ölkələr sırasında birinci yerdədir.
Martın sonunda Ərdoğanın Mərkəzi Bank rəhbərini işdən çıxardığı gündə lirənin dəyəri 17 bənd düşmüşdü, həmin gündə “Google”da “bitcoin” sözünün istifadəsi ilə axtarışların sayı təxminən 500% artmışdı.
Demərkəzləşdirilmiş kriptovalyutalar dövlətin nəzarəti altında olmadığından prezident türkləri spekulyativ aktivlərə sərmayə etməkdən çəkindirməyə çalışır.
