Keçən əsrin 50-ci illərində bir şirkət dönüş nöqtəsi etmək qərarına gəlir. Şirkət səhm ticarəti ilə məşğul olan və portfelində Amerikanın aparıcı şirkətlərindən birinin səhmlərinə sahib olan 64 aparıcı brokeri toplayır. Daha sonradan şirkət seçdiyi bu 64 brokerə səhmlərin məzənnə dəyərləri “proqnoz”-una yazılmağı təklif edir. Təbii ki, heç kəs heç nə almır.
Vəziyyət belə olduqda potensial müştəri bazasını təsadüfi qaydada 2 hissəyə bölür. Bu zaman 32 nəfərə “sabah səhmlərin dəyəri artacaq”, digər 32 nəfərə isə “sabah səhmlərin dəyəri enəcək” proznozu göndərilir.
Növbəti gün doğru cavab göndərilən qrupun özü iki hissəyə bölünür. Birinci 16 nəfərə səhmlərin yüksələcəyi, ikinci 16 nəfərə isə səhmlərin enəcəyi xəbəri göndərilir. Yalnış məlumat göndərilən ilk 32 nəfərə isə heç bir proqnoz göndərmirlər.
Üçüncü gün bazasına artıq 2 dəfə doğru məlumat göndərilmiş qrupu yenidən 2 hissəyə bölürlər. Artıq 2 dəfə düzgün məlumat əldə etmiş 8 nəfər də iki hissəyə bölünür.
Sizi təkrarlarla yormaq istəmirik. Asanlıqla belə hesablamaq mümkündür ki, sonda bazadakı 64 nəfərdən 6 dəfə ard-arda doğru cavab almış broker qalır.
“Bəxti gətirmiş” bu şəxsə səhmlərin dəyəri ilə bağlı 1 illik proqnozu almaq təklif edilir və o 2 milyon dollar ödəməyə razılıq verir.
Aydındır ki, növbəti gün həmin şirkətdən əsər-əlamət və heç bir iz yox idi.
