COP28 çərçivəsində qalıq yanacaqdan mərhələli şəkildə uzaqlaşmaqla bağlı 12 ölkə alyans yaratdıqlarını elan ediblər.
Dubayda keçirilən İqlim Dəyişikliyi üzrə BMT konfransında – COP28, bu ölkələlərin enerji və ekologiya nazirləri bəyanatla çıxış edib.
Fransanın enerji naziri Agnes Pannier-Runacher çıxışında deyib ki, alyansın ambisiyaları var.
“Bu ölkələr 2040-cı ilə qədər qalıq yanacağın istismarını dayandırmağı hədəfləyir, bu ölkələr qalıq yanacaqdan mərhələli uzaqlaşma və onun istehsalını dayandırmaq istiqamətində razılaşırlar. Qalıq yanacaqdan keçid uğurlu, planlı şəkildə olmaldır. Qalıq yanacaqdan azad enerjinin əlçatan olması mümkündür. Biz bunun öhdəsindən birgə şəkildə daha uğurlu gələ bilərik”, fransız nazir deyib.
Kolumbiyanın ekologiya naziri Mariya Susana Məhəmməd Gonzalez deyib ki, onun ölkəsi bu alyansa bu ilin avqustunda qoşulub.
“Elm və faktlar deyir ki, biz qalıq yanacağın istismarını, istehlakını dayandırmalıyıq. Qalıq yanacaqdan mərhələli imtina qaydaya uyğun şəkildə reallaşdırmalıdır. Bəzi ölkələr iqtisadiyyatı dekorbonizasiya edir və onlar üçün ağır nəticələr yoxdur ancaq bəzi ölkələr kömür, qaz idxal edir, məsələn Kolumbiya kimi, onların qalıq yanacaqdan birdəfəlik imtinası iqtisadi böhran yaradar. Qaydaya uyğun şəkildə keçid vacibdir. Maliyyə islahatları lazımdır, bütün mexanizmlərdən istifadə edilməlidir. Biz inkişaf edən ölkələri ədalətli keçiddə dəstəkləməliyik. Biz COP vasitəsilə güclü siyasi mesaj göndəririk, bu ilk addımdır”.
İrlandiyanın ekologiya naziri Eamon Rayan deyib ki, iqlim dəyişikliyi ilə mübarizədə 1.5 °C dərəcəyə uyğunlaşmaq üçün qalıq yanacaqdan mərhələli uzaqlaşmaq lazımdır.
Əgər hədəflərimizə çatmaq istəyiriksə yaşıl enerjiyə investisiya qoymalı, təmiz alternativlər təşviq etməliyik”.
Qeyd edək ki, bu ölkələr arasında imzalan sənəd hüquqi çərçivədə məcburi deyil.
