Ötən il Azərbaycanın gömrük orqanları üçün qaçaqmalçılıqla mübarizə baxımından uğurlu il olub.
Trend-in məlumatına görə, bu barədə Dövlət Gömrük Komitəsinin sədri Aydın Əliyev 2016-cı ilin yekunlarına həsr olunmuş mətbuat konfransında bildirib.
A.Əliyevin sözlərinə görə, ötən il ölkəyə külli miqdarda narkotik vasitələrin gətirilməsinin, həmçinin ölkədən böyük həcmdə xarici valyutanın çıxarılması cəhdinin qarşısı alınıb:
“2016-cı ildə Azərbaycandan ümumi dəyəri iki milyon dollardan çox olan valyutaların qanunsuz çıxarılması cəhdinin qarşısı alınıb”.
