2020-ci il ərzində Azərbaycana birbaşa investisiya yatıran ölkələrin siyahısı açıqlanıb.
Banker.az xəbər verir ki, bu barədə Mərkəzi Bankın hesabatında deyilir.
Azərbaycana investisiya yatırımının həcmi 4 milyard 528 milyon ABŞ dolları təşkil edib. Bu da illik müqayisədə 5.9% artım deməkdir.
Bu investisiyanın 1 milyard 681 milyon dolları Böyük Britaniyadan (payı: 37.1%) cəlb edilib. Bu da illik müqayisədə 42% artım deməkdir.
İkinci sırada Türkiyə 578 milyon dollarla (12.8%) dayanır, bu da illik müqayisədə cəmi 1.23% artım deməkdir.
Üçüncü sırada isə ABŞ 475 milyon dollarla dayanır. Bu da illik müqayisədə 25% çox olmasıdır.
