“Forbes” jurnalı dünyanın 100 ən bahalı markasının siyahısını dərc edib. Bildirildiyi kimi, onların ümumi dəyəri 2019-cu ildən bəri 2,33 trilyon dollardan 2,54 trilyon dollara qədər artmışdır.
Banker.az bu barədə “Vc.ru”ya istinadən xəbər verir.
Ənənəvi olaraq, reytinqdə İT şirkətləri liderlik edir. Qeyd edək ki, ilk beşlik 2019-cu ildən bəri dəyişməyib.
2020-ci ilin 10 ən bahalı brendi:
- “Apple” – 241,2 milyard dollar (+17%).
- “Google” – 207,5 milyard dollar (+24%).
- “Microsoft” – 162,9 milyard dollar (+30%).
- “Amazon” – 135,4 milyard dollar (+40%).
- “Facebook” – 70,3 milyard dollar(-21%).
- “Coca-Cola” – 64,4 milyard dollar (+9%).
- “Disney” – 61,3 milyard dollar (+18%).
- “Samsung” – 50,4 milyard dollar (-5%).
- “Louis Vuitton” – 47,2 milyard dollar (+20%).
- “McDonald’s” – 46,1 milyard dollar (+5%).
Qeyd
Siyahıdakı şirkətlərin yarıdan çoxu ABŞ-da yerləşir, onu – Almaniyada, doqquzu – Fransada, altısı – Yaponiyada, beşi – İsveçrədə.
İT şirkətlərindən sonra siyahıda ikinci yerdə maliyyə xidmətləri dayanır – 14 müəssisə, 11 avtomobil şirkəti, 8 pərakəndə satış.
“Visa” (25-ci yerdən 18-ci yerə), “Adidas” (61-ci yerdən 51-ci yerə) və “Netflix” (38-ci yerdən 26-cı yerə) şirkətinin mövqeyi nəzərəçarpacaq qədər dəyişib.
2020-ci ildə dünyanın ən bahalı markaları siyahısına “Nintendo”, “Hennessy”, “Burger King” və “AXA” şirkəti daxil olub. “Phillips”, “Hewlett Packard Enterprise” və “Kellogg’s” bu siyahını tərk edib.
