Azərbaycanda kommersiya banklarından aktivlərindən ən yaxşı istifadə edən bankların renkinqi məlum olub.
Banker.az xəbər verir ki, aktivlərin mənfəətlik (Return on Assets – RoA) əmsalı üzrə ən yaxşı göstərici “Bank VTB (Azərbaycan)” ASC-də qeydə alınıb. RoA əmsalı bankda 4.24%-dir. Bank tən il 250 mln. manatlıq aktivlər üzrə 10.61 mln. manat xalis mənfəət əldə etdi. İkinci sırada “Bank Avrasiya” ASC və ümübcü sırada isə Bank Melli İranın Bakı filialı dayanır.
Bununla belə “milyardlıq banklar klubun“dan ən yaxşı nəticəsni “AccessBank” QSC göstərir. Bu bankda əmsal 2.86% təşkil edib.
Aktivlərin mənfəətlik (ROA) termini bankın ümumi aktivləri ilə müqayisədə nə qədər mənfəətlik olduğunu göstərən maliyyə əmsalına istinad edir. Korporativ idarəetmə, analitiklər və investorlar şirkətin mənfəət əldə etmək üçün öz aktivlərindən nə dərəcədə səmərəli istifadə etdiyini müəyyən etmək üçün ROA-dan istifadə edə bilərlər.
