“Mobile-review” portalının ekspertləri 2023-cü ilin ən yaxşı Android smartfonlarını açıqlayıblar. Siyahıda cəmi beş model yer alıb.
2023-cü ilin ən yaxşı Android smartfonu “Samsung S23 Ultra” seçilib. Modelin güclü tərəfləri yüksək performans, uzun işləmə müddəti və qızmanın olmamasıdır.
İkinci yerdə “Xiaomi 13T Pro” qərarlaşıb. Qeyd edək ki, bu model istehsalçıdan uzunmüddətli dəstək alıb – smartfonun Android 17-yə qədər yeniləmə alacağı gözlənilir.
İlk üçlüyü “Realme 11 Pro+” tamamlayır. Smartfon 200 MP-lik kamera və MediaTek Dimensity 7050 prosessorunu alıb.
Dördüncü və beşinci yerlərdə müvafiq olaraq “Infinix Note 30” və “Samsung Galaxy Z Flip5” qərarlaşıb. Mütəxəssislər beçinci sıraya həmçinin “Oppo Find N2/N3 Flip” və “Tecno Phantom V Flip” smartfonlarını da daxil ediblər. Müəllifin sözlərinə görə, sadalanan smartfonların böyük xarici ekranları qapaqlı formatı həmişəkindən daha rahat edib.
