“Gamepons” şirkətinin həmtəsisçisi, 27 yaşlı azərbaycanlı Fidan Rüstəmli “Forbes Under 30 Europe 2023” siyahısında yer alıb.
Bu barədə onun özü sosial şəbəkə hesabında yazıb.
“Forbes”ın saytında Fidan Rüstəmlinin Azərbaycanın paytaxtı Bakıda yaşadığı qeyd olunub.
Bildirilib ki, o, həm burada tanınmış şirkətlərdən birində biznesin inkişafı üzrə menecer kimi çalışır, həm də “Gamepons” şirkətinin həmtəsisçisidir. Fidan Rüstəmli, həmçinin “Global Game Jam”in regional təşkilatçısı və “Avrasiya Startap Mükafatlarında Ölkə Tərəfdaşı”dır.
