Avrozonanın 19 ölkəsinin Mərkəzi Bankları 500 avroluq banknotların buraxılışını tam şəkildə dayandırdı.
Saytın xarici KİV-ə istinadən xəbər verir ki, ən böyük nominallı avronun buraxılışı 17 ölkə tərəfində 27 yanvarda, Almaniya və Avstriya tərəfindən isə 26 apreldə dayandırılıb.
Beləliklə də, hələ 2016-cı ildə Avropa Mərkəzi Bankının (AMB) bu əskinasların aradan qaldırılması haqqında qərarı realaşdı. Tənzimləyiciyə görə həmin əskinaslar izlənməsi mümkün olmayan qanunsuz maliyyə əməliyyatları üçün, o cümlədən narkotik və silah alveri zamanı maliyyə hesablaşmalarında istifadə olunur.
İndi ən iri Avropa əskinası 200 avro oldu. /finans.az
