29 C
Baku
Sunday, June 26, 2022

İlon Maskın sərvəti Trampın dövründə rekord həddə yüksəlib

“Tesla” və “SpaceX” şirkətlərinin qurucusu və milyarder İlon Mask, Donald Trampın prezident olduğu müddətdə sərvətini təxminən 170 milyard dollar artırıb.

Banker.az bu barədə xarici KİV-ə istinadən xəbər verir.

“Times” qəzetinin qeyd etdiyi kimi, bu, bütün dünya milyarderləri arasında rekord göstəricidir.

Trampın ABŞ prezidenti olduğu gün, 20 yanvar 2017-ci ildə Maskın sərvəti 12.9 milyard dollar olaraq qiymətləndirilib. Hal-hazırda “Forbes”un qiymətləndirmələrinə görə, Mask “Amazon” şirkətinin qurucusu Ceff Bezosdan sonra dünyanın ikinci ən zəngin adamıdır. Onun sərvəti 184 milyard dollar dəyərində qiymətləndirilir.

8 yanvar tarixində Mask ilk dəfə olaraq dünyanın ən zəngin adamı olub və Bezosu keçib. Lakin sonradan yenidən reytinqin birinci sətrini itirib.

“Tesla” səhmləri son dörd ildə 1625%, “S&P 500” və “Dow Jones” indeksləri isə 70% və 60% artıb.

Mütəxəssislərin fikrincə, Mask və Tramp arasındakı münasibət çox da yaxşı olmayıb. 2017-ci ildə ABŞ İqlim razılaşmasından çıxdığını elan etdikdən sonra, Mask Trampın nəzdindəki məsləhətçi şuranın üzvlüyündən çıxıb. “İqlim dəyişikliyi realdır. Paris müqaviləsindən çıxması həm Amerika, həm də bütün dünya üçün təhlükəlidir”, – deyə sahibkar qeyd edib.

Bununla belə, Tramp İlon Maskı ixtiraçı Tomas Edison ilə müqayisə edir və “dünyanın ən möhtəşəm dahilərdən biri” adlandırır.

Son xəbərlər
Oxşar xəbərlər