2022-ci ilin yanvar-iyun ayında Azərbaycanın bitumlu süxurlardan alınmış xam neft və xam neft məhsullarının ən ixrac olunduğu ölkələr açıqlanıb.
Banker.az xəbər verir ki, Azərbaycan mənşəli xam neftin ən çox ixrac olunduğu ölkələr siyahısına yenə İtaliya liderlik edib.
Hesabat dövründə bu ölkəyə 5 mln. 81 min 468 ton həcmində Azərbaycan nefti ixrac olunub.
Azərbaycan neftinin ikinci ən böyük alıcısı İsrail olub. Belə ki, 6 ayda İsrail 1 mln 280 min 680 ton Azərbaycan nefti alıb.
Hindistan və Böyük Britaniya ixrac olunan Azərbaycan neftinin növbəti ən böyük alıcılarındandır. Yanvar-iyunda Hindistan 959 min 146 ton, Böyük Britaniya isə 753 min 66 ton həcmində Azərbaycan nefti alıb.
Azərbaycan neftinin növbəti ən böyük alıcılarının siyahısı belədir: Portuqaliya 607 min 944 ton, İspaniya 470 min 851 ton, Tunis 433 min 282 ton, Çexiya 424 min 859 ton, Ukrayna 506 min 349 ton, Almaniya 351 min 4 ton.
